Me një foto në orën 05:30 të mëngjesit, ndërsa shumica e qytetarëve ende flinin, Edi Rama zgjodhi të flasë me simbolikë. Në rrjetet sociale, ai postoi një foto të lindjes së diellit, ku horizonti është larë nga ngjyra rozë, ndërsa në caption shkruan thjesht: “Çfarë agimi ky sot.”
Në kampin e Partisë Socialiste, dielli i Ramës lexohet qartë: një paralajmërim për një fitore të thellë dhe të projektuar prej javësh. Burime të ndryshme nga komisionet zgjedhore flasin për një shumicë potencialisht prej 80 mandatesh për socialistët, një shifër që jo vetëm i garanton Ramës një mandat të katërt, por edhe e vendos Parlamentin nën kontroll të plotë.
