Cassie Ventura tregoi detaje tronditëse për abuzimin që ka përjetuar nga ish-i dashuri i saj Sean “Diddy” Combs, gjatë gjyqit për trafikim seksual.
“Do të më godiste në kokë, do të më rrëzonte, tërhiqte, më shqelmonte,” dëshmoi këngëtarja e "Me & U", e cila aktualisht është shtatzënë me fëmijën e tretë me bashkëshortin Alex Fine.
Ajo tregoi se shpesh ziheshin për gjëra të vogla, “Ndonjëherë ndihesha se nuk kishte të bënte as me mua… bëja një shprehje të gabuar dhe befas merrja një grusht në fytyrë.”
Në një moment ajo shpërtheu në lot, duke përshkruar se sa “i dhunshëm” bëhej Combs dhe si “shndërrohej në një person tjetër”.
“Pamja e tij ndryshonte krejtësisht. Sytë i errësoheshin. Personi që e doja nuk ekzistonte më.”
Cassie tregoi se vuante edhe nga abuzimi psikologjik çdo ditë, sepse nuk e dinte “me kë do të zgjohej – njeriun që donte apo një version tjetër të tij”.
Ajo zbuloi gjithashtu se Combs e futi në “Freak-Offs” – akte seksuale me njerëz të tjerë ku ai shikonte dhe jepte udhëzime – që kur ishte 22 vjeç.
“Unë isha shumë pa përvojë seksualisht kur e njoha,” tha ajo. “Thjesht doja ta bëja të lumtur.”
Pjesëmarrësit e tjerë në këto akte shpesh ishin eskortë apo kërcimtare nga Craigslist. Ajo shtoi se gjatë këtyre akteve, përdorte drogë si ekstazi, marijuanë, ketaminë, GHB (droga e përdhunimit).
“Nuk mund ta përfytyroja veten duke bërë këto gjëra pa drogë, sepse ndryshe do ndjeja sa e zbrazët dhe e tmerrshme ishte.”
Ajo përmendi edhe një moment të pazakontë ku Combs i kërkoi ta quante "Pop Pop" – një nofkë që zakonisht përdoret për gjyshërit – gjë që ajo tani e sheh si "shumë të çuditshme dhe fyese."
Në nëntor 2023, Cassie paditi Combs për dhunë fizike, përdhunim dhe abuzim sistematik gjatë marrëdhënies së tyre (2007–2018).
Combs e zgjidhi padinë brenda 24 orësh, duke paguar një shumë të pazbuluar, por pa pranuar fajësinë.
6 muaj më vonë, CNN publikoi një video sigurie nga viti 2016, ku Diddy shihet duke e tërhequr dhe goditur Cassie në një korridor hoteli – duke vërtetuar akuzat për dhunë fizike.
Kjo video tronditi publikun dhe e detyroi Combs të kërkonte ndjesë publike.
Pas padisë së Cassie, shumë viktima të tjera dolën me akuza ndaj Combs për sulme seksuale dhe krime të tjera.
Ai ka deklaruar pafajësi dhe aktualisht ndodhet në paraburgim në Brooklyn, në pritje të gjyqit.
