Vijon numërimi i votave të diasporës në Parkun Olimpik. Sipas të dhënave zyrtare nga KQZ, janë numëruar 85458 zarfe nga 194.889 në total. PS kryeson me 54.30% të votave, e ndjekur nga PD me 28.34 %.
Koalicioni Nisma Shqipëria Bëhet renditet në vend të tretë me 8.47 % (6922 vota), ndërsa në vend të katërt renditet Partia Mundësia me 3.50 % (2859 vota).
Më herët përfundoi numërimi i votave brenda vendit.
Rezultatet tregojnë se PS ka marrë deri më tani mbi 730 mijë vota në rang kombëtar, duke siguruar 83 mandate, ndërsa PD dha aleatët e saj morën mbi 480 mijë vota, ose 50 mandate.
PS ka mbi 251 mijë vota më shumë se Partia Demokratike, duke mos përfshirë këtu votat e Diasporës.
