Detaje të reja janë zbardhur në lidhej me ngjarjen e ndodhur mbrëmjen e kaluar te pallati me shigjeta. Mësohet se dy makina kanë qenë të ndaluara në semafor të kuq, ndërsa dy të tjerat kanë ardhur me shpejtësi dhe janë përplasur seri. Fatmirësisht nga ky aksident pati vetëm dëme materiale.
Por pas përplasjes, drejtuesit e dy makinave të fundit janë përleshur me sende të forta dhe janë larguar duke braktisur mjetet. Ndërkohë policia ka nisur hetimin për ngjarjen dhe ka shpallur në kërkim autorët e dyshuar.
Siç raportohet makinave u është ushtruar kontroll në perimetrin e vendngjarjes, ku policia ka gjetur një plumb të paplasur. Po ashtu për ngjarjen janë pyetur edhe dhe dy drejtuesit e makinave që kishin qëndruar në semafor dhe u përfshinë në aksident.
