Rihanna ka publikuar këngën e saj të parë pas tre vitesh.
Kënga titullohet “Friend of Mine” dhe do të jetë pjesë kryesore e kolonës zanore të filmit të ardhshëm “Smurfs”, që do të dalë në kinema më 18 korrik.
Në këngë ajo këndon:
“Ooh, mendoj se fjala këtu është déjà-vu / Të takova sonte, por më dukesh si një mik i imi / Si ka mundësi që diçka kaq familjare të jetë kaq e re?”
[embed]https://youtu.be/_MQnZgH0ZmQ?si=LxaW56v_zL4_pZ5k[/embed]
Para publikimit zyrtar, Rihanna e promovoi këngën në platformën X, bashkë me një trailer të ri të filmit të animuar.
Ajo do të luajë rolin e Smurfette në film, së bashku me Kurt Russell, John Goodman, Sandra Oh, Octavia Spencer, Nick Offerman, Dan Levy dhe James Corden. Artistja është gjithashtu producente e filmit.
Filmi, i drejtuar nga Chris Miller, do të ndjekë aventurat e Smurfette dhe shokëve të saj për të shpëtuar Papa Smurf (i dubluar nga Goodman) nga magjistarë të këqij.
“Friend of Mine” është kënga e saj e parë që nga “Lift Me Up”, publikuar më 28 tetor 2022 si pjesë e kolonës zanore të filmit “Black Panther: Wakanda Forever”, që arriti vendin e dytë në Billboard Hot 100 dhe më vonë u shpall platinium.
Rihanna nuk ka publikuar një album që nga “Anti” (2016), i cili përfshinte hitet “Work”, “Needed Me” dhe “Kiss It Better”. Në një intervistë për MTV, ajo u shpreh:
“Kam bërë shumë këngë të suksesshme. Por tani dua të fokusohem te muzika që ndjehet reale, shpirtërore dhe e përjetshme.”
Ndërkohë, publikimi i “Friend of Mine” vjen vetëm disa ditë pasi Rihanna njoftoi se është në pritje të fëmijës së saj të tretë me partnerin e saj, reperin A$AP Rocky.
Lajmin ajo e bëri publik gjatë Met Gala 2025 më 5 maj, kur u shfaq me barkun e rrumbullakosur në tapetin e kuq.
Megjithatë, këngëtarja siguroi fansat se shtatzënia nuk do të vonojë publikimin e shumëpritur të albumit të nëntë, të quajtur thjesht “R9”.
“Jo!” – u përgjigj ajo për Entertainment Tonight kur u pyet nëse albumi do të vonohej. “Ndoshta disa video, por unë mund të këndoj.”
