Prokuroria e Posaçme ka urdhëruar zhvillimin e kontrolleve në Bashkinë e Klosit. Mediat raportojnë se shkak i këtyre kontrolleve mund të jenë dyshimet për krime zgjedhore. Po ashtu bëhet me dije se me urdhër të SPAK janë sekuestruar telefona celularë si dhe janë shoqëruar disa zyrtarë.
Shumë persona të tjerë janë në hetim, por ende nuk janë zbardhur emrat, kjo edhe për arsye të hetimeve në Qarkun Dibër. Mësohet se mes personave që janë nën hetim, ka edhe punonjës policie.
Sipas burimeve pranë SPAK, është ushtruar kontroll në disa zyra zyrtarësh, automjetet e tyre, si dhe u janë marrë celularët. Nga hetimet paraprake ka dyshime se zyrtarët janë të përfshirë në aktivitetin kriminal të shitblerjes së votës në favor të Partisë Socialiste. /LAPSI.al
