Jamie Foxx ka sqaruar thashethemet që qarkullonin se Sean "Diddy" Combs kishte lidhje me emergjencën e tij mjekësore në vitin 2023.
“Futa fshehurazi telefonin në spital sepse nuk e dija çfarë po thoshte bota jashtë, dhe nuk po e pranoja dot faktin që kisha pësuar një goditje në tru. Jam në formë perfekte,” tregoi Foxx gjatë një diskutimi të organizuar nga The Hollywood Reporter të enjten.
“[Pashë gjëra si,] ‘Puffy u përpoq të më vriste.’ Jo, Puffy nuk u përpoq të më vriste,” tha aktori.
Megjithatë, fituesi i çmimit Oscar u duk më i mërzitur nga një tjetër thashethem që pretendonte se ishte klonuar.
“Kur thanë që isha klon, atëherë u çmenda. Isha në shtrat në spital dhe mendoja, ‘Këta motherf–kers po përpiqen të më klonojnë,’” u shpreh ai me shaka.
Aktori i “Django Unchained”kishte folur më parë për teoritë konspirative rreth Combs, sidomos pas arrestimit të këtij të fundit në shtator 2024 për trafikim seksual dhe shantazh.
Foxx ironizoi themeluesin e “Bad Boy Records” dhe gjithashtu foli për përvojën e tij në specialen në Netflix me titull “What Had Happened Was,” e publikuar në dhjetor 2024.
“Internet thoshte se Puffy po përpiqej të më vriste,” tha Foxx përpara publikut. “E di çfarë po mendoni: ‘Diddy?’”
“Jo, unë ikja nga ato festa herët,” vazhdoi ai, duke iu referuar festave famëkeqe të Combs që përfliten për akte të shfrenuara seksuale të njohura si “Freak-Offs.”
