Një aksident është shënuar mëngjesin e sotëm në vendin e quajtur “Ura e Sheqit” në Fier, ku autobusi i linjës Fier–Libofshë ka humbur kontrollin dhe është përplasur me një automjet të policisë bashkiake.
Si pasojë e përplasjes, disa persona kanë mbetur të lënduar lehtë dhe janë transportuar menjëherë drejt Spitalit Rajonal Fier për të marrë ndihmën mjekësore.
Në vendngjarje ndodhet policia dhe grupi hetimor, të cilët po punojnë për të zbardhur shkaqet e aksidentit.
Sipas të dhënave paraprake, dyshohet se autobusi i ka prerë rrugën automjetit të policisë bashkiake, duke përfunduar më pas në murin rrethues të një ish-kompleksi dyqanesh.
