Një tjetër qark i shtohet listës së ankimimeve nga ana e Partisë Demokratike në KAS. Sot PD lajmëroi se ka ankimuar rezultatin e zgjedhjeve të 11 majit nga KQZ për qarkun e Fierit.
Demokratët pretendojnë se këtë qark gjatë zgjedhjeve funksionarë të ndryshëm jo vetëm që janë angazhuar në fushatë, por janë përfshirë në skema të mëdha të tjetërsimit të vullnetit të zgjedhësve, sikundër është blerja e votës.
PD-ASHM thotë se ka denoncuar raste ku eksponentë të krimit kanë patrulluar zonat urbane dhe rurale, kanë bllokuar rrugë dhe kanë ushtruar presion të drejtpërdrejtë mbi individë apo familje, me qëllim tjetërsimin e vullnetit të zgjedhësve.
