Një aksident me pasojë vdekjen është shënuar në aksin rrugor “Mbikalimi i Patokut – Laç”. Një automjet ka aksidentuar një 59-vjeçar që po lëvizte në këmbë i cili ka ndërruar jetë.
Ai u dërgua menjëherë në spitalin rajonal të Kurbinit, por vdiq gjatë rrugës. Drejtuesi i automjetit është shpallur në kërkim pasi është larguar nga vendi i ngjarjes.
“Në aksin rrugor “Mbikalimi i Patokut – Laç”, dyshohet se një automjet ende i paidentifikuar ka aksidentuar një këmbësor, shtetasin F. H., 59 vjeç, i cili ishte duke lëvizur në këmbë. I dëmtuari është transportuar menjëherë në spitalin rajonal Kurbin, por ka ndërruar jetë gjatë rrugës për në spital. Drejtuesi i automjetit është larguar nga vendngjarja së bashku me automjetin. Grupi hetimor, nën drejtimin e Prokurorisë, po vijon punën për identifikimin dhe kapjen e drejtuesit të automjetit, si dhe për sqarimin e plotë të rrethanave të ngjarjes.”, njofton policia.
