Të mërkurën, më 28 maj, Hailey Bieber, 28 vjeçe, njoftoi se marka e saj e bukurisë, rhode, u ble nga kompania e.l.f. cosmetics për 1 miliard dollarë. Hailey ndau lajmin edhe në Instagram, ku shpjegoi vendimin e madh.
Justin Bieber, 31 vjeç, postoi njoftimin e saj në një seri foto në Instagram. Ai përfshiu edhe një screenshot të përshkrimit të Hailey-t, por nuk shtoi komente personale.
Në përshkrimin e saj në Instagram, Hailey shkroi:
"Kur lançova @rhode në vitin 2022, gjithmonë kisha ëndrra të mëdha për kompaninë, dhe gjëja më e rëndësishme për mua ishte që rhode të arrijë më shumë vende dhe hapësira në mbarë botën."
"Sot jam shumë e emocionuar dhe krenare të njoftoj që po bashkëpunojmë me e.l.f. Beauty në këtë kapitull të ri të rhode,"vazhdoi ajo. "Gjeta një partner që ndan vizionin tim për të qenë një kompani ndryshe, që beson në idetë e mëdha dhe inovacionin po ashtu si unë, dhe që do të na ndihmojë të rritim markën."
Hailey tha gjithashtu se ndihet e fuqizuar dhe më gati se kurrë më parë. Ajo do të jetë tani Drejtore Kreative dhe Drejtore e Inovacionit të rhode, si dhe këshilltare strategjike për e.l.f. Beauty.
Në fund, ajo falenderoi ekipin dhe komunitetin e rhode për mbështetjen.
"Kapitulli i ri do të jetë edhe më i mrekullueshëm së bashku! Siç kam thënë, kjo është vetëm fillimi"
