Rreth gjysmë ore pas nisjes së provimit të parë të Maturës Shtetërore, në rrjetet sociale është publikuar teza e provimit të anglishtes nga “Studentet Denoncojne”.
Ndonëse u raportua se janë vendosur masa strikte të sigurisë, me sa duket nuk kanë arritur të ndalojnë maturantët të hynë në ambientet e provimit me telefona. Publikimi i tezave të provimit pak minuta pas nisjes është bërë e zakonshme tashmë çdo vit.
Ministria e Arsimit dhe Sportit ka reguar lidhur me publikimin e tezës së gjuhës së huaj pas nisjes së provimit të Maturës Shtetërore. Përmes nje postimi në faqen zyrtare në Facebook, Ministria e Arsimit dhe Sportit siguron maturantët, prindërit, mësuesit dhe gjithë publikun e gjerë se provimi i gjuhës së huaj, po zhvillohet në kushte të plota sigurie dhe në transparencë, sipas rregullores në fuqi duke garantuar standardet më 'të larta' të testimit për 27 mijë maturantët në të gjithë Shqipërinë. Rreth 27 mijë maturantë i janë nënshtruar sot provimit për gjuhën e huaj.
