Në mediat serbe tashmë ka zemërim me trajnerin e kombëtares së tyre, Dragan Stojkoviç. Shkak është bërë një deklaratë e tij pas ndeshjes së të shtunës në Tiranë kur tha se atmosfera kishte qenë fantastike në stadium.
"Nuk të pëlqeu loja? Epo, asgjë atëherë ndërro trajnerin. Atmosfera në stadium ishte fantastike. I përgëzoj tifozët e Shqipërisë për këtë dhe do të doja që edhe në Serbi të ishte e njëjta gjë...” – tha trajneri pas ndeshjes.
“Kurir” i quan skandaloze këto deklarata. Mediat serbe e kanë bërë dramë edhe ujin që u hodh ndaj lojtarëve në fushë.
“Lojtarët serbë u pështynë, u hodh ujë mbi ta, u qëlluan dhe u goditën. Ndeshja u ndërpre disa herë, prandaj gjyqtari Davide Massa i kërkoi kapitenit të Shqipërisë, Berat Đimšiti, të përpiqej të qetësonte tifozët.
Gjatë gjithë ndeshjes, dëgjoheshin brohoritje për "Ushtrinë Çlirimtare të Kosovës" (UÇK) dhe themeluesin e saj Adem Jasharin, si dhe sharje të neveritshme ndaj nënave, grave dhe motrave serbe...” – shkruan Kurir. /LAPSI.al
