Chris Martin, këngëtari i Coldplay, tregoi mbështetje për ish-të fejuarën e tij, Dakota Johnson, gjatë një koncerti në Las Vegas, vetëm disa ditë pas ndarjes së raportuar mes tyre.
Gjatë përfundimit të koncertit të tij si pjesë e turneut “Music of the Spheres”, Martin u bëri thirrje fansave të mbështesin filmin e ri të Johnson, “Materialists”, i cili del më 13 qershor. Në këtë komedi romantike, Dakota luan rolin e Lucy-t, një ndërmjetëse takimesh në Nju Jork që përballet me një zgjedhje mes partnerit ideal dhe ish-it të saj jo të përsosur.
Pavarësisht ndarjes, Martin u shpreh publikisht: “Faleminderit shumë të gjithëve. Jini të sjellshëm me veten dhe me njëri-tjetrin. Mos harroni të shikoni ‘Materialists’. Ju duam.”
Sipas burimeve, çifti u nda pas pothuajse 8 vitesh lidhje për shkak të ndryshimeve në dëshirat për të ardhmen – veçanërisht rreth çështjes së fëmijëve dhe diferencës së moshës. Chris Martin, i cili ka dy fëmijë me ish-bashkëshorten Gwyneth Paltrow, thuhet se nuk ka më dëshirë për të pasur fëmijë të tjerë, ndërsa Dakota mund të dëshironte fëmijë në të ardhmen.
Ata filluan lidhjen në vitin 2017 dhe u përfol se ishin të fejuar që nga viti 2019, ndonëse këtë nuk e kishin konfirmuar publikisht më parë.
