Juventus ka vendosur fortësisht të mbështetet te Igor Tudor, duke arritur një marrëveshje me trajnerin kroat për rinovimin. Klubi bardhezi, tani i drejtuar nga Comolli si drejtor i përgjithshëm, ka vendosur ta nisë këtë sezon me besim të plotë ndaj Tudor. Sipas Sky, është gjetur marrëveshja për një kontratë të re deri në vitin 2027, me opsion deri në 2028 për trajnerin. Gjithçka është vendosur pas takimit që është zhvilluar mes drejtuesve të Juventus dhe agjentit të tij, Seric. Firma e Tudor në kontratë pritet të hidhet të premten, para nisjes së Kampionatit Botëror për Klube.
Një dëshmi e rëndësishme vlerësimi për Tudor, i cili kishte marrë drejtimin pas largimit të Thiago Motta, duke tentuar të shpëtonte pjesërisht një sezon tashmë të kompromentuar, por që sigurisht nuk mund të përfundonte edhe me përjashtimin nga Champions League e ardhshme. Në këtë drejtim, trajneri kroat ka qenë i zoti të marrë në dorë grupin dhe të bashkojë të gjithë drejt një qëllimi të përbashkët, duke u përpjekur të harrohet ajo që kishte ndodhur më parë. Tudor ka arritur gjithashtu të nxjerrë në pah vlerat e disa lojtarëve si Vlahovic, duke i dhënë më shumë rëndësi në fazën ofensive edhe një lojtari si Yildiz, i cili me Motta qëndronte ndoshta shumë larg portës.
Çfarë e bindi Juventus të mbështetet te Tudor
Fillimisht mendohej se Juventus do të shkonte me siguri drejt Antonio Contes si trajner i ri, pas titullit kampion të fituar me Napolin. Por tërheqja e papritur e trajnerit salentin ka habitur drejtuesit e “Zonjës së Vjetër”, të cilët në atë pikë vendosën të mos shqyrtojnë më alternativa të tjera, duke ia lënë skuadrën në dorë Tudor, i cili tashmë kishte nisur një punë të rëndësishme me grupin dhe që Juve tani shpreson ta vazhdojë edhe për pjesën tjetër të sezonit të ardhshëm. Vetë Comolli ka folur për të gjatë konferencës për shtyp të prezantimit të tij.
Lexo më tej: Juventus tjetër refuzim, Gasperini te Roma: i tha “jo” pas një telefonate me Comolli
Comolli ka treguar se çfarë e ka goditur më shumë tek Tudor pasi e ka parë në punë me skuadrën. Ideja e drejtuesve bardhezi dukej se ishte të ndërronin trajnerin, për t’u penduar më pas dhe për t’u kthyer mbrapsht. “Jam i vetëdijshëm që ka bërë një punë të jashtëzakonshme te Marseille (duke iu referuar Tudorit) – tha Comolli – ai e meritonte të qëndronte gjatë atje, por më pas mori një vendim të respektueshëm. Ajo rezistencë dhe përkushtim i treguar atë sezon ishte mbresëlënës”.
