Lamine Yamal kritikohet ashpër nga profesor Bassetti: “Shikoni çfarë ha në Siçili”

Profesor Matteo Bassetti e ka qortuar fort Lamine Yamal për regjimin e tij ushqimor gjatë pushimeve në Itali: “Ja një foto e postuar nga Lamine Yamal, i cili ishte me pushime në Itali, në Pantelleria. Një sportist dhe talent i ri, ndoshta më i miri në botë, një idhull për gjeneratat e reja, i cili duhet të jetë shumë i kujdesshëm me stilin e jetesës – çfarë ha në Sicili? Pulë dhe patate të skuqura me ketchup. Edukimi ushqimor për të rinjtë duhet të nisë nga shembulli i idhujve të tyre”. Ylli i Barcelonës ishte me pushime në Itali dhe postoi një foto të ushqimit që ishte gati për të ngrënë bashkë me shokët e tij të udhëtimit, por infektologu i spitalit San Martino të Xhenovës nuk e ka miratuar aspak këtë zgjedhje dhe e ka publikuar vetë fotografinë në rrjetet e tij sociale.

Bassetti: “Duhet të jetë më i kujdesshëm”

Lamine Yamal zgjodhi Pantelleria dhe Sicilinë për të pushuar dhe për të rigjeneruar energjitë pas një sezoni ku shkëlqeu si në La Liga e Champions League me Barcelonën, ashtu edhe në Nations League me kombëtaren spanjolle. Sezoni i numrit 19 të klubit katalanas ka qenë fenomenal, me 55 paraqitje dhe 18 gola, por ajo që bën më shumë përshtypje është ndikimi i tij në lojën e ekipit dhe vështirësitë që u shkakton kundërshtarëve. Ylli i ri i Barçës është një nga kandidatët për të fituar Topin e Artë 2025 dhe ka ndarë me ndjekësit disa momente nga pushimet e tij verore, përfshirë pamje nga deti dhe ushqimi që konsumon. Kjo zgjedhje e fundit e Lamine Yamal nuk është pritur mirë nga profesori Bassetti, i cili ka zgjedhur të ripostojë një foto të futbollistit për të ngritur shqetësimin rreth mënyrës së tij të të ushqyerit.

Ecco una foto postata da Lamine #yamal che era in vacanza in Italia a Pantelleria. Un atleta e giovane talento, forse il migliore al mondo, un idolo per le nuove generazioni che dovrebbe essere molto attento allo stile di vita che cosa mangia in Sicilia? Pollo e patatine fritte… pic.twitter.com/VWsk9GDR25

— Matteo Bassetti (@ProfMBassetti) June 14, 2025

Lexo më tej: Rrëfimi i trishtë i babait të Yamal: “Vuaj nga epilepsia, marr 5 pilula në ditë”

“Ja një foto e postuar nga Lamine Yamal, i cili ishte me pushime në Itali, në Pantelleria. Një sportist dhe talent i ri, ndoshta më i miri në botë, një idhull për gjeneratat e reja, i cili duhet të jetë shumë i kujdesshëm me stilin e jetesës – çfarë ha në Sicili? Pulë dhe patate të skuqura me ketchup. Edukimi ushqimor për të rinjtë duhet të nisë nga shembulli i idhujve të tyre.” Këto ishin fjalët e infektologut të spitalit San Martino në Xhenova, të cilat kanë ngjallur reagime të shumta mes tifozëve italianë dhe spanjollë të yllit të Barcelonës.