Edhe Gjermania del hapur pro Izraelit. Kancelari gjerman Friedrich Merz, duke folur nga samiti i G7, shprehu mbështetje të fortë për Izraelin në lidhje me sulmet e tij ndaj Iranit.
“Kjo është puna e pistë që Izraeli po e bën për të gjithë ne. Edhe ne jemi viktima të këtij regjimi. Ky regjim i mullahëve ka sjellë vetëm vdekje dhe shkatërrim në botë,” – u shpreh Merz në një intervistë për tv gjerman ZDF.
“Ky regjim është shumë i dobësuar dhe ndoshta nuk do të rikuperojë më forcën e tij të mëparshme, gjë që e bën të pasigurt të ardhmen e vendit. Do të duhet të presim dhe të shohim” – shtoi Merz.
Kancelari gjerman tha se oferta e evropianëve për ndihmë diplomatike vazhdon të jetë e vlefshme siç ka qenë para sulmeve, në rast se ka rifillim të bisedimeve.
