Një aksident ka ndodhur pasditen e sotme në aksin Fier-Levan, në vendin e quajtur “ Qafa e Koshovicës”, ku një automjet tip “ Ford” ka dalë nga rruga dhe është përplasur me një shtyllë të tensionit të lartë.
Burime bëjnë me dije se për pasojë kanë mbetur dy të lënduar, të cilët janë transportuar me urgjencë drejt Spitalit Rajonal Fier, ku ndodhen nën kujdesin e mjekëve, jashtë rrezikut për jetën.
Shkak për humbjen e kontrollit të drejtuesit të “ Fordit” ka qenë një parakalim i gabuar i një fugoni, i cili i ka prerë rrugën automjetit.
Në vendngjarje ndodhen shërbimet e policisë dhe grupi hetimor të cilët po kryejnë të gjitha veprimet procedurale për të zbardhur shkaqet e këtij aksidenti.
