Pas nëntë vitesh lidhjeje me ulje-ngritje, Katy Perry dhe Orlando Bloom janë ndarë zyrtarisht. Burime për revistën PEOPLE kanë konfirmuar javën e kaluar fundin e lidhjes, ndërsa tani janë zbuluar edhe arsyet pas prishjes së marrëdhënies.
“Katy dhe Orlando janë përballur prej vitesh me të njëjtat probleme. Kishin shumë angazhime dhe mungesë kohe për njëri-tjetrin,” – tha një burim pranë çiftit. “Kur nuk komunikojnë siç duhet, gjithçka shkon keq.”
Sipas burimit, çifti kishte hyrë në një periudhë të vështirë, duke “jetuar në një stres” që ndikoi drejtpërdrejt në marrëdhënien e tyre.
Një tjetër burim nga bota e filmit thotë se ndarja ka qenë “e dhimbshme dhe e pakëndshme”, por të dy po përpiqen të ruajnë një marrëdhënie të shëndetshme si bashkëprindër të vajzës së tyre Daisy Dove, 4 vjeç.
“Ndonjëherë dashuria nuk mjafton. Stilet e ndryshme të jetës dhe mënyra si e shohin botën e kanë errësuar lidhjen,” – shtoi burimi.
Pas ndarjes, këngëtarja e hitit “Roar” u rikthye në skenë më 30 qershor në Adelaide, Australi, ku u emocionua gjatë performancës. Në një video të publikuar në rrjetin X, Perry shihet teksa formon një zemër me duar dhe i falënderon fansat australianë:
“Faleminderit që keni qenë gjithmonë aty për mua, Australi. Ka shumë rëndësi për mua,” – tha ajo, para se të këndonte hitin “Firework.”
