John Legend ka reaguar së fundmi ndaj një fyerjeje të pazakontë që ish-miku dhe bashkëpunëtori i tij, Kanye West, bëri ndaj tij, gjatë një interviste në radion “Hot 97”, në emisionin “Ebro in the Morning”.
“Ai ishte shumë i fiksuar pas faktit që unë vishja triko. Dhe më thoshte se mbaja erë si pure patatesh,” tha Legend, 46 vjeç, duke qeshur. “Por çfarë lloj patatesh? Me djathë? Me hudhër?”
Fyerja vjen pasi në një intervistë problematike me DJ Akademiks në mars, Kanye West deklaroi për Legend: “Nuk i kam bërë kurrë asgjë të keqe atij njeriu. Ia kam ndryshuar jetën. Dhe pastaj ai del me atë triko të shpifur. Thonë se era i vjen si pure patatesh.”
Kur u pyet nga bashkë-prezantuesi Peter Rosenberg nëse komentet e Kanye e kishin lënduar apo e kishin bërë të ndihej keq, Legend tha: “Të gjitha më bëjnë të ndihem keq. Të gjitha. Por jo për veten time sepse mbaj erë fantastike.”
Pavarësisht toneve humoristike në intervistë, Legend u bë serioz kur foli për ndryshimin e thellë që ka parë te West gjatë viteve.
“Nuk më prek personalisht, por historia e përgjithshme është e trishtueshme,” u shpreh ai. “Ta shohësh këtë njeri që dikur lavdëronte Hitlerin, që është shndërruar në një simbol urrejtjeje, mllefi dhe negativiteti... Dikush që ka krijuar disa nga veprat më të bukura artistike të këtij shekulli – si muzikant, performues dhe stilist – dhe pastaj të shndërrohet në këtë, është thjesht e dhimbshme.”
John tregoi se nuk e kishte parë kurrë këtë anë të errët të Kanye
“Nuk e dija që ai ishte i fiksuar pas Hitlerit. Nuk bisedonim kurrë për politikë. Ai nuk ishte një nga ata miq që fliste për tema të tilla.”
