Kryeministri Edi Rama është rikthyer në Vlorë këtë të hënë për të 'inspektuar' urdhrat e lëna. Kreu i qeverisë ka mbërritur në bashki.
Vizita e sotme vjen vetëm pak ditë pasi Rama paralajmëroi bizneset përgjatë shëtitores së njohur, duke u dhënë një afat 48 orësh për të hequr tendat dhe çdo strukturë të vendosur në mënyrë të paligjshme. Ai theksoi se hapësirat publike janë për qytetarët dhe nuk mund të privatizohen në mënyrë abuzive, veçanërisht në kulmin e sezonit turistik.
Kujtojmë se më herët, në një tjetër lëvizje drastike, Rama ka kërkuar shkarkimin e të gjithë drejtorëve të bashkisë së Vlorës, të cilët dhanë dorëheqjen prej këtij institucioni. Rama është shoqëruar në këtë takim nga kreu i bashkisë së këtij qytetit, Ermal Dredha.
