Anna Kendrick, duket se ka gjetur sërish dashurinë. Sipas burimeve për revistën People, ajo është në një lidhje me komedianin Alex Edelman.
Thashethemet për çiftin nisën në mars, por janë forcuar së fundmi pasi të dy u fotografuan në një makinë së bashku në Los Angeles.
Një burim pranë çiftit zbuloi: “Nuk duket një lidhje e rastësishme. Anna ka takuar tashmë mamanë e Alex-it, dhe gjithçka duket se po ecën natyrshëm mes tyre.”
Sipas burimit, Anna ishte pranë Edelman edhe gjatë ditëlindjes së tij në muajin mars.
“Anna është shumë e rezervuar për jetën e saj personale,” – tha burimi. “Ata shijojnë darka në restorante të qeta, larg syve të publikut dhe mediave.”
Sipas blogut të famshëm të showbizit Deux Moi, Anna dhe Alex nisën të shoqëroheshin në mars, kur aktorja mori pjesë në një nga shfaqjet e komedianit dhe më pas u panë duke biseduar gjatë pas performancës.
Dyshimet u përforcuan kur paparacët publikuan fotografi të tyre duke udhëtuar me makinë.
Kendrick, 39 vjeçe, ka qenë më parë në lidhje me regjisorin Edgar Wright (2009–2013), më pas me kineastin Ben Richardson (2014–2020), dhe më vonë me aktorin Bill Hader, lidhje e cila përfundoi në vitin 2022.
Në shtator të po atij viti, ajo rrëfeu publikisht se kishte përjetuar një marrëdhënie me abuzim emocional dhe psikologjik.
“Isha në një marrëdhënie ku besoja dhe doja aq shumë dikë, saqë fillova të dyshoja tek vetja ime,” – tregoi ajo për People.
“Edhe sot, trupi im ende ndjen sikur ishte faji im,” – shtoi aktorja, duke reflektuar mbi dhimbjen dhe procesin e shërimit nga trauma e kaluar.
