Shqipëria do të përballet me një mot të alternuar mes kthjellimeve dhe vranësirave, me reshje të përkohshme kryesisht në zonat qendrore dhe veriore të vendit. Orët e para të mëngjesit do të karakterizohen nga mot kryesisht i kthjellët në zonat bregdetare, ndërsa në brendësi priten vranësira të dendura dhe reshje të herëpashershme shiu, të shoqëruara në disa raste me reshje lokale.
Pas mesditës, moti do të përmirësohet gradualisht në shumicën e territorit, veçanërisht në jug dhe në bregdet, ku do të mbizotërojnë kthjellimet dhe temperaturat e larta. Vranësira të përkohshme do të qëndrojnë në zonat malore dhe veriore, me mundësi për reshje të izoluara deri në orët e mbrëmjes. Temperaturat do të jenë tipike për muajin korrik, duke u luhatur nga 18°C në mëngjes në zonat malore, deri në 29–30°C në zonat e ulëta dhe bregdetare gjatë mesditës. Era do të fryjë e lehtë deri mesatare nga drejtimi veriperëndimor.
