Një ngjarje e rëndë është raportuar nga mediat greke, ku në Kakovatos Zacharos, një 48-vjeçar shqiptar u përpoq të rrëmbente një vajzë katërvjeçare nga krahët e nënës së saj.
Siç raportohet, ngjarja ndodhi pranë plazhit, kur nëna, motra dhe gjyshja dolën me fëmijët për një shëtitje.
48-vjeçari shqiptar e sulmoi gruan në mënyrë të papritur, duke u përpjekur t’ia rrëmbente me forcë fëmijën.
Nëna e 4-vjeçares luftoi për ta mbajtur të bijën në krahë, ndërsa motra dhe nëna e saj shkuan drejt tij për ta ndaluar. Britmat u dëgjuan edhe nga një banor, i cili shkoi për ta ndihmuar.
Autori shqiptar, duke parë reagimin dhe numrin në rritje të kalimtarëve, iku dhe u fsheh në një pyll aty pranë.
48-vjeçari u gjet në pyll nga policia greke, por ai i rezistoi arrestimit, duke u përpjekur t’i shtynte me dhunë efektivët.
Pavarësisht rezistencës, ai u arrestua dhe u dërgua në paraburgim.
