Në orët e vona të së hënës fadroma e IKMT-së mbërriti në objektin e fundit të listuar për shembje në Theth, por u përball me rezistencën e fortë të banorëve, të cilët kërkuan një vendim gjykate që të justifikonte ndërhyrjen.
Banorët u ulën në rrugë, duke bllokuar kalimin e mjeteve të IKMT-së dhe duke e kthyer terrenin në një skenë proteste. Ndërsa situata përshkallëzohej, forcat e policisë ndërhynë duke krijuar një kordon sigurie.
Më pas forcate rendit hynë me forcë në banesë. Banorët, u nxorën nga shtëpia që përpiqeshin të mbronin. Pavarësisht rezistencës së tyre, pas disa orësh tension dhe përballje, godina u shemb.
Banorët e tronditur paralajmërojnë për hapa ligjorë dhe nuk përjashtojnë protesta të reja kundër veprimeve të cilësuara prej tyre si të padrejta dhe brutale. /LAPSI.al
