Një video është bërë virale në rrjet gjatë ditës së sotme. Drejtori i Bujqësisë në Bashkinë Sarandë, një farë Muçi siç e thërret Bardha, një prej tregtareve të vjetra të qytetit, ishte protagonisti kryesor.
Me mjetin identifikues të punonjësit të shtetit, Muçi i kërkonte llogari zonjës për rigonin e mbledhur në mal. Kërkonte faturë tatimore për rigonin dhe certifikatë për origjinën e produktit. Sot po e paralajmëronte për herë të fundit dhe më pas do të sekuestronte mallin.
Pasi u zgjidhën ta gjitha problemet e tjera në Shqipëri, pasi siguria ushqimore u ngrit në nivelin e Suedisë apo Zvicrës dhe në një kohë kur AKU-ja nuk është më federatë banditësh, problemi i fundit i mbetur pa u adresuar, ishte fatura tatimore e rigonit që Bardha mblodhi në mal. Vazhdo Muçi, mos u dorëzo!
[video width="360" height="640" mp4="https://cdnimpuls.com/lapsi.al/wp-content/uploads/2025/07/AQOxKCW3cXh_V1SSS3dKKK674H1FFUVm82At35o16-dft6Gyxjrg8ot-Iz11UWlGo1BF9GnzLwaJp98hbtaewJ_alDdrcvlNJvcF5WnbOQ.mp4"][/video]
