Presidenti kinez Xi Jinping u zotua të thellojë mbështetjen e Kinës për Rusinë, pasi presidenti i SHBA-së, Donald Trump, kërcënoi të vendosë sanksione dytësore ndaj partnerëve tregtarë të Rusisë nëse Kremlini nuk e ndal luftën në Ukrainë brenda 50 ditësh. Në një takim me Ministrin e Jashtëm rus Sergei Lavrov në Pekin, Xi tha se të dy vendet duhet të zbatojnë “marrëveshjet kyçe” të arritura gjatë bisedimeve të tij të fundit me presidentin Vladimir Putin, raportuan mediat shtetërore kineze të martën.
Presidentin Xi tha se Moska dhe Pekini duhet të punojnë së bashku për të mbrojtur interesat e tyre të zhvillimit dhe sigurisë dhe të promovojnë së bashku reformën e rendit ndërkombëtar “në një drejtim më të drejtë dhe të barabartë”.
Komentet vijnë vetëm një ditë pasi Trump paralajmëroi se nëse Moska nuk pranon një marrëveshje paqeje për Ukrainën brenda 50 ditëve, ai do të vendosë tarifa të larta për Rusinë dhe çdo vend që bën biznes me të – përfshirë Kinën.
Edhe pse Pekini nuk e ka mbështetur publikisht pushtimin e Ukrainës nga Rusia, ai i ka siguruar Moskës mbulim diplomatik dhe një litar jetese ekonomik nëpërmjet rritjes së marrëveshjeve tregtare dhe energjetike.
