Një burim për revistën PEOPLE ka konfirmuar se komediani Pete Davidson, 31 vjeç, dhe e dashura e tij, modelja Elsie Hewitt, janë në pritje të fëmijës së tyre të parë së bashku. Lajmi fillimisht u raportua nga TMZ.
Çifti e bëri publike lidhjen e tyre në mars të këtij viti, kur u panë së bashku në Palm Beach, Florida. Ata u fotografuan duke notuar në det dhe shkëmbyer puthje romantike në ujë.
Në maj, çifti u shfaq për herë të parë në tapetin e kuq në eventin e 13-të vjetor Blossom Ball në New York City. Një burim i afërt tha për PEOPLE se ato kanë bashkëjetuar në New York për disa muaj, duke ndarë kohën mes shtëpisë së Pete në pjesën veriore të shtetit dhe një apartamenti në Brooklyn.
“Ata janë shumë të lumtur bashkë dhe po ecin për mrekulli,” tha burimi.
Davidson filloi lidhjen me Hewitt tetë muaj pas ndarjes nga aktorja e serialit Outer Banks, Madelyn Cline. Ndërkohë, Hewitt më parë ka qenë e lidhur me aktorin Jason Sudeikis.
Pete ka folur më parë për dëshirën e tij për t’u bërë baba. Në një intervistë me Kevin Hart në vitin 2022, ai tha: “Gjërat që më emocionojnë më shumë, dhe që ende nuk i kam arritur, është të kem një fëmijë. Është ëndrra ime. Duket si diçka klishe, por do të ishte shumë argëtuese të kujdesesha për një vogëlush.”
