Detaje të reja janë zbardhur në lidhje me konfliktin e dhunshëm të regjistruar në klubin e njohur në Palasë, “Lollipop”. A. P. dhe V. P. janë përplasur duke përdorur çdo gjë që u ka dalë para: gota dhe sendet që kishin pranë. Gjithçka nisi me një përplasje mes disa djemsh të cilët ishin të akomoduar te zona VIP e klubit të natës.
A. P. rezulton se është një person aktiv në fushën e biznesit ku ka një pikë këmbimi valutor dhe një biznes automjetesh. Nga ana tjetër V. P. është person me precedentë penale. Mësohet se ai ka qenë i përfshirë në një tjetër konflikt në vitin 2021.Në atë kohë u shpall në kërkim për veprat penale “Moskallzim krimi” dhe “Plagosje e lehtë”.
