Një 33-vjeçar shqiptar është arrestuar nga policia italine. Sipas mediave italiane shqiptari akuzohet për trafik të mbi 11 kilogramëve kokainë të pastër dhe një pistolete të vjedhur me municione. Ai rezultoi i dënuar me 14 vjet burg për vrasje me dashje të kryer në vitin 2011 në Bolonjë, por u lirua në maj 2024. 33-vjeçari bëri paraburgim edhe për krime që lidhen me shfrytëzimin e prostitucionit.
Hetuesit kishin monitoruar lëvizjet e tij për javë të tëra dhe vendosën të kontrollonin shtëpinë e tij. Atje oficerët gjetën në bodrum një çantë që përmbante dhjetë blloqe kokaine me peshë mbi 11 kilogramë.
