Një rimorkio kamioni ka marrë flakë para pak minutash përgjatë autostradës Vlorë-Fier. Ngjarja ka ndodhur sot në afërsi të fshatit Panaja.
Drejtuesi i kamionit ka vërejtur tym në pjesën e gomave të rimorkios, e cila ka qënë me ngarkesë. Ai menjëherë ka ndaluar kamionin dhe ka bërë shkëputjen e rimorkios, pasi rrezikonte të digjej kamioni për shkak të depozitës së karburantit.
Ardhja e zjarrfikëseve të Vlorës ka bërë të mundur shuarjen e zjarrit në gomat e rimorkios së kamionit, duke eleminuar përhapjen e flakëve në të gjithë mjetin. Paraprakisht dyshohet se zjarri ka rënë si pasojë e tejnxehjes së ferrotave (frenave) të rimorkios, kjo për shkak të ngarkesës në mjet, por edhe temperaturave të larta.
