Disa milionë më shumë për të provuar t’i bëhet joshëse Atalantës me ëndrrën Ademola Lookman gati për t’u bërë realitet. Pas ofertës, të refuzuar, prej 40 milionësh, shumë e konsideruar e përshtatshme nga Inter, Beppe Marotta dhe Piero Ausilio i kanë kërkuar pronësisë Oaktree një përpjekje shtesë për të provuar t’i dhurojnë teknikun Chivu sulmuesin e fortë nigerian. Disa milionë, siç u tha, që për momentin vështirë se do të mjaftonin për të bindur Atalantën të lëshojë xhevahirin e saj. Klubi bergamask, i forcuar edhe nga interesimi i skuadrave të Premier League, nuk ka asnjë qëllim të zbresë poshtë kuotës 50 milionë dhe mund të negociojë, nëse është rasti, vetëm mbi formulën.
Çelësi i një negociate që, sidoqoftë, nuk pritet të zgjasë shumë në kohë, mund të jetë pikërisht ky: 45 milionë pjesë fikse dhe 5 milionë bonus. Në këto kushte “tymi i bardhë” do të ishte i natyrshëm, por a do të shkojë Inter kaq larg? Përgjigjja do të vijë shpejt dhe pikërisht Oaktree do të vendosë vulën ose jo mbi marrëveshjen. Sigurisht që çështja nuk është aspak banale, sepse zikaltërit mendojnë se kanë bërë tashmë gjithçka të mundur për ta shkëputur lojtarin nga Atalanta dhe bergamaskët, nga ana e tyre, nuk kanë nevojë të shesin dhe, rrjedhimisht, nuk kanë asnjë qëllim të ulin pretendimet pavarësisht rrezikut për të mbajtur në shtëpi një lojtar të pakënaqur.
Lexo më tej: "Kristjan, gjej një skuadër tjetër": Drejtori Ausilio i mbyll Asllanit derën e Inter
Ndërkohë, gazetari Pedullà shkruan, Dea ka marrë informacione për Federico Chiesa, njeriun e identifikuar pikërisht për të zëvendësuar Lookman, por bëhet fjalë vetëm për një sondazh të parë eksplorues të dobishëm për t’u gjetur të gatshëm në rast lamtumire të nigerianit.
