Drejtori i Departamentit për Kufirin dhe Migracionin ne DPPSH, Saimir Boshnjaku ka dhënë dorëheqjen nga detyra. Në media raportohet se Boshnjaku i ka dorëzuar dorëheqjen ministrit të Brendshëm, Ervin Hoxha. Ai mbante detyrën e Drejtorit të Departamentit për Kufirin dhe Migracionin nga data 20 korrik 2022.
Karriera e Saimir Boshnjakut
Boshnjaku ka filluar karrierën e tij pranë Gardës së Republikës, në muajin korrik të vitit 1992, ku ka shërbyer deri në vitin 2002. Gjatë karrierës së tij në Gardën e Republikës, Boshnjaku ka shërbyer në funsione të ndryshme drejtues si Komandat Toge, Komandat Kompanie, Specialist/Kordinator në Degën e Ruajtjes së Personaliteteve të Larta Shtetërore (për delegacionet e huaja), Oficer Shoqërues Personal në Degën e Ruajtjes së Personaliteteve të Larta Shtetërore.
Në muajin mars të vitit 2002, Boshnjaku filloi karrierën e tij në Policinë e Shtetit si Inspektor i Zyrës Rajonale të Luftës Kundër Trafiqeve të Paligjshme, në Drejtorinë e Policisë së Qarkut, Tiranë, deri në muajin prill të vitit 2004. Në vijim ai ka mbajtur detyra të ndryshme drejtuese, si: Kryekontrollor, në Komisariatin e Policisë Kufitare dhe Port Durrës (Prill 2004 – nëntor 2004, Komandant Grupi, në Komisariatin e Policisë Fier (Nëntor 2004 – mars 2006), Shef i Sektorit për Trajtimin e të Huajve dhe Migracionit, në Drejtorinë e Policisë Kufitare dhe Migracionit në Drejtorinë e Përgjithshme të Policisë së Shtetit (Prill 2006 – dhjetor 2007), Drejtor i Drejtorisë Rajonale për Kufirin dhe Migracionin Tiranë (Dhjetor 2007 – qershor 2010), Drejtor i Qendrës së Mbyllur për të Huajt, në Departamentin për Kufirin dhe Migracionin (Qershor 2010 – korrik 2010), Drejtor i Drejtorisë Rajonale për Kufirin dhe Migracionin Durrës (Korrik 2010 – dhjetor 2011), Drejtor i Drejtorisë Rajonale për Kufirin dhe Migracionin Tiranë (Dhjetor 2011 – tetor 2012), Specialist/Kordinator në Drejtorinë e Studimeve Strategjike dhe Botimeve, në Drejtorinë e Përgjithshme të Policisë Shtetit (Tetor 2012 – korrik 2013), Zëvëndësdrejtor për Sigurinë Publike dhe Shef i Sektorit të Sigurisë Publike, në Drejtorinë e Policisë së Qarkut Gjirokastër (Korrik 2013 – nëntor 2014), Shef i Sektorit të Shërbimeve Operacionale dhe Hetimit, në Drejtorinë Rajonale për Kufirin dhe Migracionin Tiranë (Dhjetor 2013 – nëntor 2014), Specialist në Sektorin e Imigracionit në Drejtorinë e Migracionit, në Departamentin për Kufirin dhe Migracionin (Nëntor 2014 – tetor 2021) dhe Drejtor i Drejtorisë Vendore për Kufirin dhe Migracionin Tiranë (Tetor 2021- korrik 2022).
Në tetor 2002, ka ndjekur Kursin e kualifikimit të Avancuar për Gjuhën Angleze, pranë Akademisë Ndërkombëtar të Agjensive të Zbatimit të Ligjit, ILEA, në Budapest, Hungari. Ai ka marrë pjesë në trajnime të ndryshme si: “Lufta ndaj Trafikimit të Femrave për Shfrytëzim Prostitucioni“, organizuar nga Ministria e Rendit Publik dhe Ambasada Franceze (Nëntor 2003), Kurs për Policinë Kufitare për Trajnimin e Komandantëve të Pikave të Kalimit Kufitar, Programi Komandantëve Ndërkombëtarë, organizuar nga Qendra e Gjenevës për Kontrollin Demokratik të Forcave të Armatosura (DCAF), në Hungari (maj 2004), “Kurs i avancuar për Menaxhimin“ organizuar nga Akademia Amerikane e Zbatimit të Ligjit, ILEA, në Roswell, New Mexico, SHBA, (14 janar – 12 shkurt 2006), “Kurs për Strategjitë e Komandimit”, organizuar nga Misioni Policor PAMECA dhe ICITAP, në Tiranë (22 mars – 29 korrik 2006), si dhe ka marrë pjesë në Programin Ndërkombëtar të Vizitorëve “ Përpjekjet Bashkëpunuese në Luftën kundrër Krimit Ndërkombëtar, në SHBA (15 prill – 3 maj 2013).
