Një aksident automobilistik është regjistruar mëngjesin e kësaj të marte në aksin rrugor Shëngjin-Velipojë, në fshatin Rrjoll. Autoritetet policore raportojnë se shtetasi J. B., duke drejtuar automjetin e tij, dyshohet se ka humbur kontrollin dhe si pasojë makina ka dalë nga rruga dhe është përplasur me një dyqan.
Si pasojë e aksidentit kanë mbetur të plagosur drejtuesi i automjetit, shtetasi J. B., dhe 3 pasagjerë (familjarë të tij). Ata janë dërguar për mjekim në spitalin e Shkodrës dhe raportohet se janë jashtë rrezikut për jetën. Policia thotë se grupi hetimor po punon për zbardhjen e rrethanave të aksidentit dhe dinamikës së tij.
