Një vatër zjarri është vërejtur mëngjesin e sotëm pas Varrezave të Dëshmorëve në Gjirokastër.
Pasi mbërritën në terren, shërbimet zjarrfikëse konstatuan se zjarri kishte përfshirë bahçen e një banese, ku po digjeshin mbeturina. Për shkak të vendndodhjes dhe erës, flakët rrezikonin përhapjen në drejtim të banesave përreth.
Falë ndërhyrjes të shpejtë të zjarrfikësve, u bë e mundur izolimi dhe shuarja e plotë e zjarrit pa shkaktuar dëme materiale apo të lënduar.
Sipas verifikimeve paraprake, zjarri ishte rezultat i ndezjes së qëllimshme të mbeturinave, një veprim i ndaluar nga ligji. Qytetari përgjegjës për këtë veprim do të ndëshkohet me gjobë, sipas parashikimeve ligjore në fuqi.
