Shprehja e fundit që dikush do të mendonte ndonjëherë ta shoqëronte me Sacha Baron Cohen është "në formë të përsosur". Kjo për shkak se aktori ka qenë gjithmonë më i famshëm për zgjuarsinë e tij të pahijshme dhe personazhet ikonike, pothuajse sureale, si Borat, Ali G dhe Bruno sesa për barkun e tij të skalitur dhe bicepsin si të një bodybuilderi.
Por kur Marvel i ofroi atij rolin e Mefistofelit në serialin "Ironheart", transformimi u bë i domosdoshëm dhe arkitekti i asaj që vetë Cohen e konsideron një mrekulli ishte Alfonso "The Angry Trainer" Moretti, "trajneri personal i yjeve me metoda minimale dhe brutalisht efektive", siç përcaktohet nga revista "Men's Fitness U.K." Revista, jo rastësisht, e vendosi aktorin britanik në kopertinën e numrit të saj të ri, duke dokumentuar transformimin e tij radikal fizik.
"Kjo nuk është IA. Unë jam vërtet kaq egoist për ta bërë këtë", - shkroi Cohen në “story”-n e tij të parë në Instagram. Duke i qëndruar besnik zgjuarsisë së tij të mprehtë, ai vazhdoi të postonte shaka të pahijshme për transformimin e tij të jashtëzakonshëm.
“Disa personazhe të famshëm përdorin Ozempic, disa përdorin shefa kuzhine privatë, disa përdorin trajnerë personalë. Unë i kam përdorur të treja" - shkroi ai në një postim të dytë, i ndjekur nga një i tretë ku ai aludoi për një nga ndryshimet që kishte bërë në stilin e tij të mëparshëm të jetesës.
"Po e prezantoj personazhin tim të ri: një burrë në moshë të mesme që e ka zëvendësuar birrën me kokteje proteinike..." Cohen telefonoi Matthew McConaughey për të marrë numrin e Alfonso-s. Lëvizja e tij fillestare ishte një seancë në FaceTime në të cilën i kërkoi aktorit të zhvishej deri në të brendshme.
"Për të qenë i sinqertë, Sacha nuk ishte jashtë forme, por vizualisht, ai nuk kishte atë pamjen “në formë” - tha Moretti në intervistën që shoqëronte fotografitë. "Ai dukej më shumë si një vizore: drejt lart e poshtë. Prodhuesit e filmit madje po shqyrtonin t'i jepnin implante muskujsh." Trajneri personal vendosi vetëm një rregull: qëndrueshmërinë.
:max_bytes(150000):strip_icc()/sacha-baron-cohen-072325-71cb8757ef6b40b996a05cf3df8ff997.jpg)
"Fitnesi është si të kursesh para," shpjegoi Alfonso. "Nuk bëhet fjalë për shpenzimin e një mijë dollarëve menjëherë, por për investimin e një dollari çdo ditë." Që, e përkthyer për Cohen, do të thoshte stërvitje 25-minutëshe çdo ditë, madje edhe gjatë xhirimeve, me 100 pompa në ditë, ushtrime me peshën e trupit, tërheqje dhe ulje. Sa i përket të ushqyerit, asnjë diete ekstreme, vetëm gjykim i shëndoshë dhe zgjedhje të zgjuara. Dhe rezultatet erdhën shpejt.
Përtej fizikut të tij, Cohen ka ndryshuar edhe mentalitetin e tij. "Tani, në vend që të rri në shtrat duke menduar shumë dhe duke parë telefonin, ngrihem, lidhem me FaceTime dhe stërvitem me Alfonson," pranoi aktori. "Më jep një ton pozitiv për gjithë ditën dhe nuk më duhet as të ngre kokën nga telefoni!" ©LAPSI.al
