Policia e Sarandës ka shpallur në kërkim 5 turistë italianë në lidhje me një sherr të dhunshëm me sende të forta tè raportuar nga ky qytet. Bëhet me dije se në kërkim janë shpallur: G. T. 23-vjeç, M. A. 20-vjeç, S. D. 60-vjeç, A. L. 19-vjeç dhe S. B. 19-vjeç, të gjithë banues në Napoli.
Dyshimet janë se këta të pestë u konfliktuan me 3 italianë të tjerë; G. M. 19-vjeç, F. D. 22-vjeç, dhe L. D. 20-vjeç. Policia thotë se ka marrë nën hetim në gjendje të lirë edhe një tjetër italian me iniciale E.G., të cilin e akuzon se shiste bileta për festa pa leje përkatëse, dhe kishte punësuar persona të pasiguruar në këtë aktivitete.
