Vatra e zjarrit në Delvinë, e cila është aktive prej disa ditësh rrezikon të përhapet drejt territorit të bashkisë së Gjirokastrës.
Që në orët e mëngjesit forcat e shërbimit zjarrfikës të Gjirokastrës, së bashku me forcat mbështetëse të bashkisë, kanë shkuar në malin e Skërficës për të izoluar flakët. Në terren për shuarjen e flakëve janë 6 punonjës të MZSH dhe 15 punonjës të shërbimeve publike.
Ndërkohë në Kalasë situata është më e qetë nga një ditë më parë, ndërsa aktualisht ka zjarr vetëm në majën e malit mbi fshat. Në terren për shuarjen e zjarrit kanë qenë gjatë gjithë natës banorët e zonës, shërbimi zjarrfikës i Delvinës, punonjës të MZSH dhe administrata e bashkisë, ndërsa është djegur vetëm një banesë e braktisur.
