Po tentonte të vidhte një makinë, 48-vjeçari me precedentë penalë arrestohet në flagrancë pasi u pikas nga vetë pronari i mjetit. I dyshuari u konstatua në lagjen "Çlirimi" dhe menjëherë u kap nga shërbimet e Patrullës së Përgjithshme të Komisariatit të Policisë Lushnjë që po patrullonin në zonë.
Aksioni është kryer ditën e djeshme, kurse i arrestuari është Gentian Kane, i skeduar nga uniformat blu për precedentët e theksuar kriminalë.
“Në përfundim të veprimeve procedurale për rastin, specialistët për Hetimin e Krimeve të Komisariatit të Policisë Lushnjë kryen arrestimin në flagrancë të shtetasit G. K., 48 vjeç, banues në Tiranë, për veprën penale "vjedhja", mbetur në tentativë”, tha policia.
