Një 41-vjeçar është shpallur në kërkim nga policia e Korçës pasi akuzohet se nuk ka kthyer një automjet të marrë me qira.
Sipas kallëzimit të bërë nga pronari, ngjarja ka ndodhur më 25 qershor 2025. Automjeti nuk është kthyer sipas marrëveshjes mes palëve. Policia po punon për kapjen e të dyshuarit dhe për gjetjen e mjetit.
"Specialistët për Hetimin e Krimeve të Komisariatit të Policisë Korçë referuan materialet në Prokurori dhe shpallën në kërkim shtetasin R. D., 41 vjeç, banues në Librazhd, pasi ka kallëzuar shtetasi A. A., 54 vjeç, se më datë 25.06.2025, i ka dhënë me qira, një automjet, 41-vjeçarit, por ai nuk ia ka kthyer sipas marrëveshjes. Punohet për kapjen e shtetasit R. D. dhe për gjetjen e mjetit", thuhet në njoftimin e policisë.
