Një ngjarje e rëndë ndodhi rreth orës 21:00, në fshatin Paçram të Vaut të Dejës. Në një rrugë është gjetur pa shenja jete një person i cili dyshohet se është vrarë me armë zjarri.
Forca të shumta të policisë shkuan në vendin e ngjarjes. Burime nga uniformat blu thanë se viktima është identifikuar si Frrok Lleshaj, 65 vjeç.
Ai rezulton të ketë qenë i dënuar më herët me 25 vite burg për vrasjen e një komshiu të tij. Lleshaj ishte liruar nga burgu në vitin 2023. Dyshohet se ngjarja të ketë motive hasmërie.
Lleshaj ka qenë duke lëvizur në këmbë kur është qëlluar. Ai është gjetur nga kalimtar.
Policia thotë se është ngritur një grup i posaçëm hetimor, “i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorit/ëve”. ©LAPSI.al
