Një 27-vjeçar është arrestuar nga policia e Tiranës ditën e sotme, pasi qarkullonte me armë zjarri dhe gjatë një konflikti për motive të dobëta ka kanosur një person. Policia bën me dije se në pranga është vënë edhe vëllai i tij.
Gjatë kontrollit të ushtruar në banesën e 27-vjeçarit, shërbimet e Policisë gjetën armën e zjarrit të përdorur në ngjarje, një sasi municioni luftarak dhe automjetin, të cilat u sekuestruan në cilësinë e provës materiale. Ndërkohë materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
