Së fundmi është zbuluar shkaku i vdekjes së Ozzy Osbourne.
Vokalisti i Black Sabbath vdiq nga një atak në zemër, sipas një certifikate vdekjeje të paraqitur nga vajza e tij Aimée Osbourne në një regjistër në Londër dhe të marrë nga New York Times.
Certifikata liston si shkaqe “arrest kardiak jashtë spitalit”, si dhe “sëmundje të arteries koronare dhe sëmundje të Parkinsonit me mosfunksionim autonom”.
Ozzy u nda nga jeta më 22 korrik në moshën 76 vjeç.
“Me më shumë trishtim sesa mund të shprehin fjalët, duhet të njoftojmë se Ozzy Osbourne ynë i dashur ka ndërruar jetë këtë mëngjes”, thuhet në deklaratën e familjes së artistit.
“Ai ishte me familjen e tij dhe i rrethuar nga dashuria. Ne i kërkojmë të gjithëve të respektojnë privatësinë e familjes sonë në këtë kohë.”
