Prokuroria e Posaçme raportohet se po zhvillon një operacion antidrogë në disa qytete të vendit. Konkretisht ky operacion mësohet se është shtrirë në Tiranë, Elbasan dhe Durrës. Sipas informacioneve paraprake, lidhur me këtë operacion janë lëshuar edhe 11 masa sigurie.
Bëhet me dije se operacioni ka nisur herët në mëngjes dhe emrat e të dyshuarve kanë dalë në aplikacionin Sky Ecc ku dhe dyshohet se kryenin komunikimet për trafik ndërkombëtar.
Gjithashtu raportohet se katër të dyshuarve u janë komunikuar masat në burg ku gjenden për një dosje tjetër, tre të tjerë janë arrestuar deri më tani ndërsa katër po kërkohen.
