Rreth orës 08:00, në rrugën “Ramiz Aranitasi” në qytetin e Fierit, automjeti me drejtues shtetasin J. K., 38 vjeç, ka përplasur shtetasin B. L., 26 vjeç, këmbësori ka mbetur i plagosur dhe ka pësuar lëndime pas rrëzimit në tokë, i cili ndodhet në spital, në kujdesin e mjekëve.
Ndërkohë, ka qenë vetë drejtuesi i mjetit, 38-vjeçari me iniciale J.K., që e dërgoi këmbësorin në spital për të marrë ndihmë mjekësore. Më pas u rikthye në vendngjarje ku është pyetur nga ekspertët rrugore për dinamikën e aksidentit.
Specialistët e Sektorit të Qarkullimit Rrugor arrestuan në flagrancë shtetasit:
-A. D., 65 vjeç, banues në Patos, pasi ditën e djeshme, pasi në fshatin Zharrëz, mjeti bujqësor që drejtonte në gjendje të dehur, është përplasur me automjetin me drejtuese shtetasen A. Sh., 34 vjeçe.
Për pasojë u dëmtua dhe ndodhet në kujdesin e mjekëve, pasagjerja në mjetin bujqësor, shtetasja L. D., 61 vjeçe;
-A. H., 32 vjeç, banues në Fier, pasi u kap duke drejtuar automjetin, në gjendje të dehur.
