Vladimir Putin i veshur me kravatë të kuqe, këmishë të bardhë dhe kostum të zi, ishte ulur në një karrige prej druri ngjyrë kafe, përpara një sfondi me fjalët “Alaska 2025” dhe Në ndjekje të Paqes.
Vetëm pak çaste më parë, ai kishte zbritur në Alaskë ku u prit nga Donald Trump. Gazetarët e huaj “e bombarduan” me pyetje presidentin rus gjatë ceremonisë së mirëseardhjes.
Kjo është hera e parë pas një kohe të gjatë që presidenti rus e gjeti veten në një dhomë me kaq shumë gazetarë të pavarur që nuk kontrollohen nga Kremlini.
Puna e grupit të shtypit rus që zakonisht udhëton me presidentin është shumë e ndryshme nga mënyra se si gazetarët amerikanë i mbulojnë ngjarjet.
Gazetarët rusë nuk bëjnë pyetje të paautorizuara ose të pakëndshme.
Këtë të premte gazetarët arritën t'i bëjnë pyetje Putinit, të tilla si "kur do të ndaloni së vrarë civilë?" dhe "pse Trump duhet t'u besojë fjalëve tuaja?"
Nuk ka asnjë mënyrë për të ditur nëse presidenti rus i dëgjoi pyetjet - por nëse ai del për një konferencë për shtyp, do të jetë e pamundur të shmangen plotësisht temat e pakëndshme. ©LAPSI.al
