Willow Smith ka alarmuar fansat në rrjete sociale pas një postimi të pazakontë në Instagram, ku u shfaq duke qarë me një mbishkrim provokues që nxiti shqetësim masiv.
Vajza 24-vjeçare e aktorëve të njohur Will Smith dhe Jada Pinkett postoi një selfie ku i rridhnin lotët në fytyrë, ndërsa e shoqëroi me një mesazh të çuditshëm:
“Kush i hëngri të gjitha p—ytë”, – shkroi ajo, duke përdorur një shprehje me përmbajtje seksuale që shkaktoi reagime të shumta.
Postimi u bë viral brenda pak minutash, ndërsa shumë nga mbi 11 milionë ndjekësit e saj në Instagram shprehën shqetësimin për gjendjen emocionale të Willow.
“A është mirë? Nuk duket si dikush që është në rregull,” shkruan një komentues.
Të tjerë u shprehën më me humor por me tone kritike: “Willow Smith është funny, por a je mirë vërtet?”
Pak orë më vonë, artistja reagoi sërish në Instagram Story, duke sqaruar se postimi ishte një tallje me fansat dhe duke i quajtur ata “të trashë”. “Keni harruar që ekziston humori!”, – shkroi ajo.
Reagimet për postimin u shoqëruan edhe me kritika ndaj prindërve të saj, Will dhe Jada, për mënyrën se si kanë rritur fëmijët.
“Will dhe Jada kanë dështuar si prindër,” shkroi dikush në X (ish-Twitter).
Willow është vajza më e vogël e çiftit të famshëm dhe motra e aktorit Jaden Smith. Ajo ka qenë pjesë e diskutimeve publike edhe më herët, sidomos pas rrëfimeve për seksualitetin.
Prindërit e saj, të martuar që nga viti 1997, janë ende bashkë ligjërisht, megjithëse Jada ka pranuar publikisht se ata jetojnë veçmas që prej vitit 2016, dhe nuk kanë plan të divorcohen.
