Kylie Jenner ka reaguar ndaj aludimeve se është ndarë nga aktori Timothee Chalamet.
Kylie i bëri “like” një postimi të aktorit 29-vjeçar në Instagram, ku ai ndau posterin e filmit të tij të ri “Marty Supreme”. Ky veprim duket si një sinjal që çifti është ende bashkë, pavarësisht distancës fizike dhe angazhimeve profesionale.
Megjithatë, Kylie nuk reagoi ndaj publikimit të trailerit të filmit një ditë më vonë, ndryshe nga nëna e saj, Kris Jenner, dhe motra Kendall Jenner, të cilat gjithashtu i dhanë “like” postimit të Chalamet.
Sipas “People”, çifti nuk është parë së bashku prej disa javësh për shkak të orareve të ngarkuara. Timothée ndodhet në Budapest për xhirimet e filmit “Dune”, ndërsa Kylie po merret me angazhimet e saj në Los Angeles.
Një burim afër çiftit ka zbuluar se, megjithëse Jenner e ka vizituar aktorin në korrik, udhëtimi prej 12 orësh me avion privat është i lodhshëm, sidomos duke qenë nënë e dy fëmijëve.
“Janë duke e bërë të funksionojë,” tha burimi. “Flasin çdo ditë me videocall, u mungon njëri-tjetri dhe janë plotësisht mirë.”
Kujtojmë që Jenner dhe Chalamet nisën lidhjen në vitin 2023. Para kësaj romance, Kylie ishte në një marrëdhënie me reperin Travis Scott, me të cilin ka dy fëmijë: vajzën Stormi, 7 vjeç, dhe djalin Aire, 3 vjeç.
Pavarësisht zërave të ndarjes, çifti u pa për herë të fundit bashkë gjatë një udhëtimi në Francë në korrik 2025.
