Julia Fox ka bërë një tjetër rrëfim të sinqertë për jetën e saj private. Një vit pasi u deklarua si lesbike, aktorja 35-vjeçare ka sqaruar për Allure se në fakt e identifikon veten si panseksuale.
“Unë mund të tërhiqem nga kushdo dhe nga çfarëdo,” – tha ajo në intervistën e publikuar të martën. “Nëse bëhet fjalë vetëm për trupin, jam më e tërhequr nga trupi i femrës. Burrat nuk më pëlqejnë aspak fizikisht. Por mund të tërhiqem nga mendja e një burri, sepse unë jam një person i ‘vibes’.”
Aktorja e “Uncut Gems” tregoi se, ndonëse ka pasur simpati dhe përvoja me femra, kurrë nuk ka arritur në një marrëdhënie të plotë.
“Nuk shoh asnjë arsye pse një burrë do të ishte i dobishëm në jetën time,” – shtoi ajo, duke theksuar se nuk dëshiron më “të humbasë kohë duke pritur një mesazh nga ndonjë djalë.”
Fox është sot e përqendruar vetëm te djali i saj 4-vjeçar, Valentino, të cilin e ka me ish-bashkëshortin Peter Artemiev.
“Jam e fokusuar të jem një nënë e mirë she të bëj ëndrrat e mia realitet,” – u shpreh ajo.
Kujtojmë që pas divorcit në vitin 2020, Julia Fox pati një lidhje të shkurtër edhe me reperin Kanye West në vitin 2022.
