Jennifer Aniston duket se ka gjetur dashurinë në një kapitull të ri të jetës së saj – dhe këtë herë, gjithçka “ndjehet ndryshe”.
Burime për revistën People konfirmuan se aktorja e njohur e “Friends” është në një lidhje me hipnoterapistin dhe sipërmarrësin, Jim Curtis. Sipas burimit, Aniston nuk kishte pasur një lidhje serioze për një kohë të gjatë, por me Curtis ajo ndihet rehat dhe e sigurt.
“Ai është krejt ndryshe nga ish-partnerët e saj,” – tha një burim për People. “Ka një energji shumë të qetë dhe të sigurt. Jen e adhuron këtë.”
Sipas të njëjtit burim, Curtis e ka ndihmuar Aniston të “ngadalësojë ritmin” në jetën e saj të mbushur me projekte. “Ai e mbështet atë në një mënyrë krejt të re,” – shtoi burimi. “E ndihmon ta vlerësojë më shumë veten dhe gjithçka që ka ndërtuar.”
Dyshja u fotografua për herë të parë në korrik gjatë një pushimi në Mallorca, por sipas Page Six, ata ishin parë për herë të parë duke u afruar në Big Sur, Kaliforni, një muaj më herët. Prej atëherë, ata janë parë bashkë në disa takime publike, duke konfirmuar se romanca e tyre është serioze.
Kjo është lidhja e parë publike e Aniston që nga ndarja me Justin Theroux në vitin 2018, pas dy vitesh martesë. Më parë, ajo ishte e martuar edhe me Brad Pitt nga viti 2000 deri në 2005.
